ბოლო 24 საათის განმავლობაში საქართველოში კორონავირუსის 508 ახალი შემთხვევა დადასტურდა.

ჩვენს ქვეყანაში ვირუსის პირველი დაფიქსირებიდან დღემდე ინფიცირებულთა საერთო რაოდენობაა 9753. მათგან გამოჯანმრთელებულია 5235 პაციენტი, გარდაცვლილია 62.

თბილისის ინფექციური საავადმყოფოს ბოქსირებული განყოფილების ხელმძღვანელის, მარინა ენდელაძის ინფორმაციით, 4 518 ინფიცირებულიდან 58 არის კრიტიკულად მძიმე. მისივე თქმით, აჭარაში ახალი შემთხვევების რაოდენობა, წინა დღეებთან შედარებით, შემცირდა.

დღეს აჭარაში 259 ახალი შემთხვევა დაფიქსირდა, თბილისში – 111, იმერეთში – 91, სამეგრელო-ზემო სვანეთში – 25, გურიაში – 8, ქვემო ქართლსა და მცხეთა მთიანეთში -5-5, შიდა ქართლსა და კახეთში 2-2.