საქართველოს პედაგოგთა და მეცნიერთა თავისუფალი პროფკავშირი (სპმთპ) პედაგოგთა ხელფასების გაზრდას 2015 წლის პირველი იანვრიდან ითხოვს. „2015 წლის პირველი იანვრიდან დაიწყოს მასწავლებელთა საბაზისო ხელფასის ეტაპობრივი ზრდა იმ გათვლით, რომ 2017 წლისთვის პედაგოგის საბაზო ხელფასი გაუთანაბრდეს საჯარო სამსახურში დასაქმებულთა საშუალო ხელფასს“ – ასეთია სპმთპ-ის წევრთა მოთხოვნა. ამ მიზნით შეგროვდა ორგანიზაციის წევრთა ხელმოწერები საქართველოს მთავრობაში წარსადგენად. ხარაგაულის რაიონული ორგანიზაციის თავმჯდომარის, ლალი სებისკვერაძის ინფორმაციით, ხარაგაულში ასამდე ხელმოწერა შეგროვდა. სპმთპ-ის ხარაგაულის რაიონული ორგანიზაცია 410 წევრს აერთიანებს.