საქართველოში დღეს კორონავირუსის 259 ახალი შემთხვევა დაფიქსირდა. ინფიცირებულთა საერთო რაოდენობა გაიზარდა და  4 399 შეადგენს. დაინფიცირებულთა დიდი წილი კვლავ აჭარაზე მოდის.

თბილისის ინფექციური საავადმყოფოს ბოქსირებული განყოფილების ხელმძღვანელი მარინა ენდელაძე ამბობს, რომ აჭარაში 164 ახალი შემთხვევა დაფიქსირდა.

„34 ახალი შემთხვევა გვაქვს თბილისში, – ამბობს მარინა ენდელაძე, – იმერეთში – 22; აქედან 15 დაფიქსირდა ქუთაისში,  წყალტუბოში – 3, თერჯოლასა და საჩხერეში თითო-თითო, ბაღდათში კი  გამოვლინდა 2 ახალი შემთხვევა. სამეგრელო-ზემო სვანეთში – 15,  გორში – 1, მცხეთაში – 1. საზღვარგარეთიდან იმპორტირებულია 5  ახალი შემთხვევა.

გვყავს 18 კრიტიკული პაციენტი, რომელთა მდგომარეობის შესახებ პროგნოზირებას ვერ ვახერხებთ. ყველაზე მეტი კრიტიკული პაციენტი ბათუმის ინფექციურ საავადმყოფოშია მოთავსებული. თბილისში გახლავთ – 2, ქუთაისში – 3, საჩხერეში კი – 2.

ამ მატებას ჩვენ ველოდით, მაგრამ მინდა დავამშვიდო მოსახლოება, – სისტემა გამართულია. მიმდინარეობს სერიოზული მუშაობა ამ საკითხთან დაკავშირებით. ჩვენ შევძლებთ ამ პაციენტების ნაკადების მართვას“.

დღეს კორონავირუსისაგან 62 ადამიანი გამოჯანმრთელდა. გამოჯანმრთელებულების საერთო რაოდენობა 1705-ია.  კარანტინის რეჟიმში რჩება 5390 პირი, სტაციონარში მეთვალყურეობის ქვეშ – 836, ხოლო კოვიდ სასტუმროპებში – 640.