კორონავირუსის პანდემიის გამო შეწყვეტილი მეცადინეობების განახლებას ხარაგაულში მოსწავლეთა სახლი, ქორეოგრაფიული და სპორტული წრეები პირველი ოქტომბრიდან აპირებენ.

მოსწავლეთა სახლის, კულტურისა და ხელოვნების ცენტრის, სპორტისა და შიდა ტურიზმის ცენტრის ადმინისტრაციებიდან მოპოვებული ინფორმაციით, შეძენილი აქვთ დეზობარიერები, სადეზინფექციო ხსნარები და თერმომეტრები.

ხარაგაულის სამუსიკო და სალოტბარო სკოლებმა მეცადინეობები, სკოლებში სწავლის დაწყების დღიდან, 15 სექტემბრიდან განაახლეს.

ფოტოზე: ქორეოგრაფიულ ანსამბლ „უბისის“ მეცადინეობაზე, 2019 წ.