ბოლო 24 საათის განმავლობაში საქართველოში კორონავირუსის 182 ახალი შემთხვევა დადასტურდა. ინფექციური საავადმყოფოს სამედიცინო დირექტორის, მარინა ეზუგბაიას თქმით, ახალი დადასტურებული შემთხვევების დიდი წილი აჭარაში, კონკრეტულად კი ბათუმში, ფიქსირდება.

„კორონავირუსის 182 ახალი შემთხვევა რეგიონების მიხედვით ასე ნაწილდება: აჭარა- 129, აქედან ბათუმში 114 შემთხვევა დაფიქსირდა, ქობულეთში-11, ქედაში-3, ხოლო შუახევში-1. თბილისიდან გახლავთ 24 კოვიდინფიცირებული, იმერეთიდან-11; ქვემო ქართლიდან (რუსთავი)- 4; გურიაში-3, კახეთში კი- 1.

გამოჯანმრთელებულების რიცხვი გაიზარდა 13-ით და გახდა 1435. სტაციონარებსა და სასტუმროებში მეთვალყურეობის ქვეშ ჯამურად 1657 პაციენტია. აქედან 11 გახლავთ კრიტიკულად მძიმე, ხოლო მძიმე პაციენტების რაოდენობა არის -75.

თუ მოქალაქეები შეინარჩუნებენ მაღალ პასუხისმგებლობას და შეასრულებენ რეგულაციებს, როგორიცაა პირბადის ტარება, დისტანციის დაცვა და პირადი ჰიგიენა,  მაშინ ვითარება დასტაბილურდება. როგორც გუშინ გახდა ცნობილი, დიდ ქორწილებეზე არ ამბობენ უარს.  ეს არის ძალიან ცუდი. გავაცნობიეროთ, რომ ეს აკრძალვა საჭიროა იმისათვის, რომ დაავადება არ  გავრცელდეს“,- აღნიშნა მარინა ეზუგბაიამ.

დღეის მდგომარეობით, საქართველოში კორონავირუსის დაფიქსირებიდან დღემდე:

  • სულ ინფიცირებულია 3119  პირი;
  • მათ შორის გამოჯანმრთელებულია – 1435 ;
  • გარდაცვლილია – 19; 
  • კარანტინში 5014 მოქალაქე იმყოფება;
  • სტაციონარში მეთვალყურეობის ქვეშ – 836 .