ხარაგაულში მოქმედი საჯარო სკოლებისათვის წიგნების გადაცემის პროცესი მიმდინარეობს.

როგორც ხარაგაულის საგანმანათლებლო რესურსცენტრის უფროსი მარინე ვეფხვაძე ამბობს, წიგნები ოცდახუთივე საჯარო სკოლაშია შესული, ოღონდ საკმარისი რაოდენობით არა.

„წიგნები თანაბრად გადანაწილდა ყველა სკოლაზე, რა თქმა უნდა, მოთხოვნის მიხედვით, – ამბობს მარინე ვეფხვაძე, – მერვე კლასისთვის გრიფით მინიჭებული სახელმძღვანელოები ჯერ არ მიგვიღია. სწავლის დაწყებამდე წიგნების გაცემა დასრულდება.

სკოლებს პირველკლასელებისთვის ბუქები გადავეცით.

სადეზინფექციო საშუალებებით ყველა სკოლა მომარაგებულია“.

შეგახსენებთ, რომ სკოლებში სწავლა 15 სექტემბერს იწყება.