თეატრის რეჟისორის, ირინე ჩხეიძესგან მოპოვებული ინფორმაციით, დღეს, 31 აგვისტოს, თოჯინების თეატრი ნუნისს ესტუმრება.

პატარა მაყურებლების წინაშე თეატრი სპექტაკლით – „აბა დამაცადეთ, თაგუნებო“ წარსდგება.

სპექტაკლის ჩვენება კურორტ ნუნისის ტერიტორიაზე, ღია სივრცეში 17:00 საათზე დაიწყება.

თოჯინების თეატრის სპექტაკლები ხარაგაულში, თეთრაწყაროსა და ვერტყვიჭალაში უკვე ჩატარდა. ირინე ჩხეიძე ამბობს, რომ თოჯინების თეატრის მოგზაურობა ხარაგაულის სოფლებში გაგრძელდება. უახლოეს ხანში კი ახალ სპექტაკლზე მუშაობას დაიწყებს.