ინფექციური საავადმყოფოს სამედიცინო დირექტორის, მარინა ეზუგბაიას ინფორმაციით, კორონავირუსით ინფიცირებული 18 ახალი პაციენტიდან 7-ს კონტაქტი მანამდე ინფიცირებულ პირებთან ჰქონდა.

11 შემთხვევა კი შემოტანილია. 11 -დანდან 2 შემთხვევაში კორონავირუსი სატვირთო ავტომანქანების მძღოლებს დაუდასტურდა.

მარინა ეზუგბაიას თქმით, საქართველოს კოვიდ-ცენტრებში 202 პაციენტი მკურნალობს. მათგან 3-ის მდგომარეობა კრიტიკულია და 21-ის მძიმე.

საქართველოში კორონავირუსის 18 ახალი შემთხვევის დადასტურების შემდეგ ინფიცირებულთა საერთო რიცხვი 1487-მდე გაიზარდა. მათგან უკვე განიკურნა 1240. გამოჯანმრთელების მაჩვენებელი 83%-ია.

საქართველოში COVID-19-ით გარდაცვლილია 19 ადამიანი.