დაბა ხარაგაულში, ცენტრალური პარკის ტერიტორიაზე, საბავშვო ატრაქციონების მიწოდება-მონტაჟის სამუშაოებზე ტენდერი გამოცხადდა.

სატენდერო წინადადებების მიღება 29 აგვისტოს იწყება და 31 აგვისტოს დასრულდება. შესყიდვის სავარაუდო ღირებულება 50 ათასი ლარია.

სატენდერო დოკუმენტაციის მიხედვით ატრაქციონის კოშკის მილები უნდა იყოს ერთი მთლიანი და სრულყოფილი. გამოყენებული არ უნდა იყოს ისეთი მილები, რომლის ზედაპირზეც შეინიშნება ჩამოსხმის კვალი.

პოლიეთილენის მასალები შეერთების ადგილებში უნდა იყოს გლუვი, რომ გამოყენების დროს დაცული იყოს უსაფრთხოება.
სათამაშო ატრაქციონი უნდა იყოს ფერადი, გამოყენებული საღებავი არ უნდა შეიცავდეს ტყვიას.

მომწოდებელმა საბავშვო ატრაქციონების შეძენა-მონტაჟი ხელშეკრულების გაფორმებიდან 45 კალენდარულ დღეში უნდა განახორციელოს.

ფოტოზე – ვერტყვიჭალის საბავშვო ბაღის აღსაზრდელები