31 ოქტომბერს საქართველოს პარლამენტის არჩევნებთან ერთადხუთ მუნიციპალიტეტში – ხარაგაულში, თერჯოლაში, ქუთაისში, ონსა და კასპში, მერის რიგგარეშე არჩევნები გაიმართება.
-კონსულტაციები რამდენიმე კანდიდატზე მიმდინარეობს და წინასწარ ვერ გეტყვით, – ამბობს „ევროპული საქართველოს“ რაიონული ორგანიზაციის თავმჯდომარე აკაკი მაჭავარიანი.
მომავალ კვირაში წარადგენს „ერთიანი ნაციონალური მოძრაობა“ ხარაგაულის მერობის კანდიდატს. საკრებულოს წევრი თორნიკე ავალიშვილი ვერ აკონკრეტებს, თავად იქნება თუ არა მერობის კანდიდატი.
– პირველ სექტემბერს „პატრიოტთა ალიანსი“ პარლამენტის მაჟორიტარ დეპუტატსა და მერობის კანდიდატს ხარაგაულში ერთად წარადგენს, – ამბობს პარტიის რაიონული ორგანიზაციის თავმჯდომარე თემურ ფცქიალაძე, – მერობის კანდიდატი მე ვიქნები, ხოლო საჩხერე-ჭიათურა-ხარაგაულის მაჟორიტარობის კანდიდატი – გიორგი კასრაძე.
– უახლოესი ორი კვირის განმავლობაში პარტია „ლელო“ ხარაგაულში პოლიტიკური აქტივობების დაწყებას არ გეგმავს, – ამბობს პარტიის პრესმდივანი თიკო ძნელაძე.
„ქართული ოცნების“ პოლიტსაბჭოს მიერ მუნიციპალიტეტების მერობის კანდიდატურების განხილვა მიმდინარეობს, მათ შორის ჩემი კანდიდატურაც განიხილება, – ამბობს კობა ლურსმანაშვილი, რომელიც ამჟამად ბაღდათი-ხარაგაულის მაჟორიტარი დეპუტატია, – საბოლოო გადაწყვეტილება რამდენიმე დღეში გასაჯაროვდება“.
ხარაგაულში მერის თანამდებობა ვაკანტური მას შემდეგ გახდა, რაც მერმა ნიკო თოფურიძემ 13 ივლისს თანამდებობა დატოვა.
22 აპრილს მსოფლიოში დედამიწის დღე
ხარაგაულის მუნიციპალიტეტის ექვსი
ევროკავშირის უმაღლესი წარმომადგენელი ჯოზეფ ბორელი და სამეზობლო
პრეზიდენტმა საქართველოში აკრედიტებული დიპლომატიური კორპუსის
2024 წლის 17 აპრილს გავრცელებული