ბოლო 24 საათის განმავლობაში საქართველოში კორონავირუსის 9 ახალი შემთხვევა დაფიქსირდა, ხოლო 10 ადამიანი გამოჯანმრთელდა.

ინფექციური საავადმყოფოს კლინიკური დირექტორის, მარინა ეზუგბაიას თქმით, 9  ახალი შემთხვევიდან 4 დაავადებული პაციენტის წყარო მესტიის მუნიციპალიტეტის სოფელი ლენჯერია, 3 შემთხვევა უცხოეთიდან შემოტანილია, რომელთაგან ერთი სატვირთო ავტომობილის მძღოლია, 1 შემთხვევა სამედიცინო პერსონალია აფხაზეთიდან და 1 შემთხვევაზე წყაროსა და კონტაქტების დასადგენად კვლევა გრძელდება.

ამ დროისთვის კოვიდცენტრებში სულ 285  კორონავირუსით ინფიცირებული პაციენტი მკურნალობს. 6 მათგანი რეანიმაციულ განყოფილებაში იმყოფება და მათი მდგომარეობა კრიტიკულია.

რთულია 22 პაციენტის მდგომარეობა, ხოლო დანარჩენი პაციენტების  უმეტესობა, მარინა ეზუგბაიას თქმით, მსუბუქი და საშუალო სიმძიმისაა.

stopcov.ge-ის განახლებული მონაცემები ასე გამოიყურება:

  • კორონავირუსის დადასტურებული შემთხვევა – 1370
  • მათ შორის გამოჯანმრთელებული – 1108
  • მათ შორის გარდაცვლილი – 17
  • კარანტინის რეჟიმში – 6903
  • სტაციონარში მეთვალყურეობის ქვეშ – 278
  • *უცხოეთიდან სამკურნალოდ გადმოყვანილი საქართველოს მოქალაქეები – 41