დღეს ხარაგაულში ფაროსანას წინააღმდეგ თერმული ნისლის გაშვება დაგეგმილია

  • დაბა ხარაგაულში;
  • ზვარის თემის სოფლებში – ზვარეში, ნუნისში, ჩრდილში;
  • ლაშეს თემში – ლაშე, ლაშეს იგორეთში, ღვერკში, ხელმაღალში, უჩამეთში;
  • ლეღვნის თემში – ლეღვანში, დიდვაკეში, მარელისში, პატარა სახვლარში;
  • საღანძილის თემში – საღანძილეში, ვანში, ზარანში, სხლითში, ჩხერში, ჯაფარაულში;
  • წიფის თემში – წიფაში, გოლათუბანში, გუდათუბანში, ფონაში;
  • ხიდარში.

დაგეგმილი სამუშაოები შესაძლოა წვიმის ან ქარის გამო გადიადოს.

აღნიშნულ სოფლებში თერმული ნისლის გაშვება იმ შემთხვევაში გადაიდება, თუ ხარაგაულში გაწვიმდება ან ქარი იქროლებს.

შეწამვლითი სამუშაოები საღამოს 09:00 სთ-დან 10:00 სთ-მდე პერიოდში დაიწყება.

სურსათის ეროვნული სააგენტოს იმერეთის რეგიონული სამმართველოს უფროსი ინსპექტორის, ნინო სახვაძის ინფორმაციით, თერმული ნისლი იმ ჯგუფის პრეპარატია, რომელიც სასოფლო-სამეურნეო მცენარეების შეწამვლისას გამოიყენება და ადამიანებისთვის საფრთხეს არ წარმოადგენს.

თუმცა, უსაფრთხოების ნორმების დაცვა აუცილებელია. თერმული ნისლის გაშვების მომენტში უმჯობესია მოსახლეობამ დახუროს კარ-ფანჯარა, ხოლო  20-30 წუთის შემდეგ ადამიანებს ჩვეულებრივ შეუძლიათ საქმიანობის გაგრძელება.

ნინო სახვაძის განმარტებით, შეწამვლა ფუტკრისთვის საფრთხის შემცველი არ იქნება. იმ მოსახლეებთან, რომელთაც საფუტკრე მეურნეობა აქვთ, თერმული ნისლის აგრეგატს გამორთავენ.

შეწამვლითი სამუშაოებისას დაბა ხარაგაულში- 2, ზვარის თემის სოფლებში – 2, ლაშეს თემის სოფლებში- 4, ლეღვნის თემის სოფლებში- 1, საღანძილის თემის სოფლებში- 1, წიფას თემის სოფლებში- 2, ხიდრის თემის სოფლებში- 2  მანქანა იმუშვებს.

თუ როდის და სად ჩატარდება ფაროსანას წინააღმდეგ სამომავლოდ თერმული ნისლის გაშვება, დაინტერესებულ პირებს ინფორმაციის მიღება farosana.ge-ზე 24 საათით ადრე შეუძლიათ.