დღეს, 18 აგვისტოს, სათნოების სახლში მისულ მოქალაქეებს კარები დაკეტილი დახვდათ.

რა არის სათნოების სახლის საქმიანობის შეჩერების მიზეზი, – ამ შეკითხვით სათნოების სახლის დირექტორს, გიორგი ჩიჩილიძეს დავუკავშირდით.

„ვინაიდან გუშინ მთელი დღის განმავლობაში და დღეს დილის საათებში ხარაგაულში ბუნებრივი აირის მოწოდება შეზღუდული იყო, სათნოების სახლში ბენეფიციარებისთვის საკვების მომზადება ვერ მოხერხდა.

ამის გამო დღეს სათნოების სახლი არ იმუშავებს. დღევანდელ და ხვალინდელ ულუფას მომხმარებლები ხვალ ერთად მიიღებენ,“ – ამბობს ჩიჩილიძე.