თბილისის ინფექციური საავადმყოფოს სამედიცინო დირექტორის, მარინა ეზუგბაიას, ინფორმაციით, ბოლო 24 საათის განმავლობაში კორონავირუსის 10 ახალი შემთხვევა დადასტურდა.

დადასტურებული შემთხვევებიდან ერთი პაციენტის ინფიცირების წყარო სოფელ ლენჯერს უკავშირდება, ერთის – ქობულეთს. ერთი პაციენტი ინფიცირებულთან კონტაქტში იმყოფებოდა. დაინფიცირდა ერთი სამედიცინო პერსონალი.

ოთხი კოვიდინფიცირებული საზღვარგარეთიდან შემოვიდა. მათგან ერთი სატვირთო ავტომობილის მძღოლია. ორი პაციენტის წყაროს დადგენა ამ დრომდე მიმდინარეობს.

კოვიდინფექციისგან გამოჯანმრთელებულთა რიცხვი ექვსით გაიზარდა.

ამჟამად კოვიდცენტრებში 236 პაციენტი მკურნალობს.