საქართველოში ბოლო 24 საათში დადასტურებული 14 შემთხვევიდან 12-ის წყაროა სვანეთი, კონკრეტულად კი ლენჯერი – ამის შესახებ ინფექციური საავადმყოფოს სამედიცინო დირექტორმა მარინა ეზუგბაიამ განაცხადა.

ერთი პაციენტის წყარო გაჩიანია. ხოლო ერთი პაციენტი არის უცხოეთიდან შემოსული.

მარინა ეზუგბაიას ინფორმაციით, ამჟამად კოვიდ ცენტრებში 203 პაციენტი მკურნალობს, აქედან 7 პაციენტის მდგომარეობა კრიტიკულია. გუშინ მძიმე მდგომარეობაში მყოფი 8 პაციენტიდან ერთის მდგომარეობა შედარებით დასტაბილურდა. სულ მძიმე პაციენტთა სიაში 16 ინფიცირებულია.