ეროვნული გამოცდების პირველადი შედეგების გამოქვეყნების შემდეგ პედაგოგების ნაწილი მასწავლებელთა გამოცდების შედეგების გამოქვეყნებას ელოდება.

გამოცდების ეროვნული ცენტრისგან მოპოვებული ინფორმაციით, მასწავლებელთა გამოცდის შედეგები აგვისტოს მეორე ნახევარში გამოქვეყნდება.

მასწავლებლობის მსურველებმა ბოლო გამოცდა 30 ივლისს უცხოურ ენასა და ქართულში, როგორც მეორე ენაში ჩააბარეს.

საგამოცდო პროცესი 22 ივლისს დაიწყო. წელს საგნობრივ გამოცდაზე  დარეგისტრირებული  12 000-მდე აპლიკანტი  იყო.

პირველადი მონაცემებით გამოცდაზე რეგისტრირებულთა დაახლოებით 88 % გამოცხადდა.