21 ივლისიდან საქართველოს რკინიგზა შიდა ტურიზმის ხელშეწყობის მიზნით, გზამკვლევების პროექტს ახროციელებს. 

ხვალ, 6 აგვისტოს თბილისი-ქუთაისის მატარებლის რეისზე  გზამკვლევები თეატრმცოდნე  ნიკოლოზ წულუკიძე და კულტურული გიდი ციცინო ზივზივაძე იქნებიან. 

ისინი მგზავრებს ქუთაისის – სატახტო ქალაქის, თეატრალების ეზოს, რეზო გაბრიაძის, იპოლიტე ხვიჩიას, ქუთაისის პირველი აფთიაქისა და კინო პავილიონის შესახებ უამბობენ. 

მგზავრობის პროცესში გიდების მიერ მოყოლილ ამბებზე საინფორმაციო ვიდეო-რგოლი მომზადდება.

 პროექტი “აღმოაჩინე საქართველო რკინიგზასთან ერთად” ფარგლებში მგზავრებს გიდები მატარებელში უკვე მესამედ ხვდებიან,  სამომავლოდ მატარებლის სხვადასხვა მარშრუტებზე მგზავრებს გიდობას სხვა პიროვნებებიც გაუწევენ.