31 ივლისს, პარასკევს, 15:00 საათზე ხარაგაულის მუნიციპალიტეტის სოფელ ზვარეში სარკინიგზო მაგისტრალის პროექტის გარემოზე ზემოქმედების შეფასების დოკუმენტის საჯარო განხილვაა დაგეგმილი. შეხვედრა საბავშვო ბაღის ეზოში გაიმართება.

„საქართველოს რკინიგზის“ ინფორმაციით, ხარაგაული-ზესტაფონის მონაკვეთზე განხორციელებულ საპროექტო ცვლილებებთან დაკავშირებით გარემოზე ზემოქმედების დოკუმენტი (სკოპინგის დასკვნა) შპს „გამა ქონსალთინგის“ მიერ მომზადდა.

თბილისი-მახინჯაურის სარკინიგზო მაგისტრალის მოდერნიზაციის პროექტის ფარგლებში, ზესტაფონი-ხარაგაულის მონაკვეთის პროექტში შეტანილი ცვლილებები  და გარემოზე ზემოქმედების შეფასების ანგარიში შეგიძლიათ იხილოთ ბმულზე.