ხარაგაულის თოჯინების თეატრმა კულტურისა და დასვენების პარკში სპექტაკლი – „სამი გოჭის ზღაპარი“ გამართა. კორონავირუსის პანდემიის გამო, მარტის შემდეგ, თოჯინების თეატრის ფუნქციონირება შეჩერებული იყო.

ხარაგაულის თოჯინების თეატრის რეჟისორის, ირინე ჩხეიძის, ინფორმაციით, ოთხშაბათს, 29 ივლისს ეს სპექტაკლი ხარაგაულის #2 საბავშვო ბაღის ეზოში გაიმართება.

„აგვისტოს ბოლოს წარმოდგენებს კიდევ რამდენიმე სოფელში ჩავატარებთ. პარალელურად ვმუშაობთ თოჯინების თეატრის ახალ სპექტაკლზე, რომლის პრემიერა, სავარაუდოდ, ახალ წლამდე გაიმართება“, – ამბობს ირინე ჩხეიძე.