გასული 24 საათის განმავლობაში საქართველოში კოვიდინფიცირებულთა რაოდენობა ექვსით გაიზარდა.

ორი პაციენტი კი გამოჯანმრთელდა.

სამთავრობო საიტ stopcov.ge-ის ინფორმაციით, 27 ივლისის დილის მონაცემებით, საქართველოში კორონავირუსის დადასტურებული 1137 შემთხვევაა.

მათ შორის გამოჯანმრთელებულია 922 პაციენტი, გარდაცვლილია – 16.

კარანტინის რეჟიმში 6439 პირი იმყოფება, სტაციონარში მეთვალყურეობის ქვეშ – 326

უცხოეთიდან სამკურნალოდ გადმოყვანილია საქართველოს 41 მოქალაქე. მათგან 38 ავღანეთში ნატოს სამშვიდობო მისიაში მონაწილე სამხედროა.