საქართველოში კორონავირუსით ინფიცირების 19 ახალი შემთხვევა დაფიქსირდა. გამოჯანმრთელებულთა რიცხვი კი მხოლოდ ერთით გაიზარდა.

ინფორმაცია ამის შესახებ დღეს დილით მთავრობის მიერ შექმნილ სპეციალურ ვებგვერდზე stopcov.ge-ზე განახლდა.

ამ დროისთვის ქვეყანაში ინფიცირებულთა რაოდენობა, დაავადების პირველი შემთხვევის გამოვლენიდან დღემდე, სულ 1104 ადამიანს აღწევს. მათგან 912 პაციენტი გამოჯანმრთელდა.

ინფექციური საავადმყოფოს კლინიკური დირექტორის, მარინა ეზუგბაიას, თქმით,  19 ახალი შემთხვევიდან 8 დადასტურებული ფაქტი ლილოს ბაზრობიდანაა, 5 შემთხვევა – გაჩიანიდან, 2 შემთხვევა იმპორტირებულია და ერთ-ერთი სატვირთო ავტომობილის მძღოლია. ასევე დაინფიცირებულია ერთი მედიცინის მუშაკი და კიდევ 3 ადამიანი, რომელთა ინფიცირების წყარო, ჯერჯერობით, ვერ დგინდება და მასზე სამედიცინო მოკვლევა მიმდინარეობს.

მაღალი  ეპიდემიოლოგიური საფრთხის გამო დღეს სოფელი ყარაჯალა ჩაიკეტა.

კოვიდცენტრებში მოთავსებულია 214 პაციენტი.

stopcov.ge-ის განახლებული მონაცემები ასე გამოყურება:

  • კორონავირუსის დადასტურებული შემთხვევა – 1104;
  • მათ შორის გამოჯანმრთელებული – 912;
  • მათ შორის გარდაცვლილი – 16;
  • კარანტინის რეჟიმში – 5936;
  • სტაციონარში მეთვალყურეობის ქვეშ – 268;
  • უცხოეთიდან სამკურნალოდ გადმოყვანილი საქართველოს მოქალაქეები – 41.