მთავრობის ადმინისტრაციაში გამართულ ბრიფინგზე დაავადებათა კონტროლის ეროვნული ცენტრის დირექტორმა ამირან გამყრელიძემ აღნიშნა, რომ ბაზრობებზე მონიტორინგი გამკაცრდება.

„სამწუხაროდ, გუშინ მეთექვსმეტე პაციენტი გარდაიცვალა – აღნიშნა ამირან გამყრელიძემ, – 72 წლის კაცი, რომელსაც ჰქონდა თირკმლების საკმაოდ მძიმე ქრონიკული დაავადება. ის იმყოფებოდა დიალეზზე და ინფექცია სწრაფად განვითარდა. ინფიცირებულები არიან მისი ოჯახის წევრები, თუმცა მათი კლინიკური მდგომარეობა დამაკმაყოფილებელია.

ისინი მუშაობდნენ და ვაჭრობდნენ ბაზრობებზე. ამიტომაც საკოორდინაციო საბჭომ მიიღო გადაწყვეტილება, კიდევ უფრო გამკაცრდეს ზომები ბაზრობებთან დაკავშირებით, იქნება ეს ლილოს ბაზრობა, დინამოს ბაზრობა თუ საკვები პროდუქტების ბაზრობები. აუცილებელია თერმოსკრინინგი. სადაც იქნება გამოვლენა შესაბამისი სიმპტომებიანი ადამიანების, აუცილებელია მათი და მათი კონტაქტების ტესტირება“.