დღეს დილის 12-ის ნახევრიდან ხარაგაულში სილქნეტის მომხმარებლებს ინტერნეტი არ მიეწოდებათ. 

ამ დროისთვის ინტერნეტი გათიშული აქვთ როგორც ფიზიკურ პირებს, ისე ორგანიზაციებს, მათ შორის ლიბერთი ბანკის ხარაგაულის ფილიალსაც. 

სილქნეტის საინფორმაციო სამსახურიდან მოპოვებული ინფორმაციით, დაზიანებულია ოპტიკურ-ბოჭკოვანი კაბელი.

მათი თქმით, პრობლემის მოგვარების სტანდარტული ვადა 1-დან 3 საათამდეა, თუმცა ეს დამოკიდებულია პრობლემის სირთულეზე. 

სილქნეტის პრესცენტრის ინფორმაციით, პრობლემის მოსაგვარებლად მუშაობა მიმდინარეობს და ინტერნეტის მიწოდება აბონენტებს  მომდევნო საათნახევარში აღუდგებათ. 

მათი თქმით, დაზიანებული ოპტიკურ-ბოჭკოვანი კაბელი არ არის სილქნეტის.  ეს არის რკინიგზის ტელეკომის კაბელი, რომელზეც სილქნეტის აბონენტები არიან მიერთებულნი.  ტექნიკურ სამუშაოებს  რკინიგზის ტელეკომი აწარმოებს და ინტერნეტ სერვისის მიწოდება მაქსიმუმ საათნახევარში აღდგება.

თამარ ჩხიკვაძე