უახლოესი დღეების განმავლობაში ხარაგაულში მზიანი ამინდია მოსალოდნელი. 17-20 ივლისს ტემპერატურა 26 გრადუსიდან 37 გრადუსამდე შენარჩუნდება.

გარემოს ეროვნული სააგენტოს ინფორმაციით, 21 ივლისს ტემპერატურა 26 გრადუსამდე დაეცემა. მოსალოდნელია ძლიერი წვიმა ელჭექით, იქროლებს ქარი 8 კმ/სთ სიჩქარით.

22 ივლისს ტემპერატურა 23 გრადუსამდე დაეცემა. მოსალოდნელია ღრუბლიანი ამინდი. დღის პირველი ნახევრიდან მოსალოდნელია წვიმა, იქროლებს ქარი 11 კმ/სთ სიჩქარით.

მოსალოდნელმა ძლიერმა ნალექებმა, შესაძლებელია, საქართველოს მდინარეებზე წყლის დონეების მნიშვნელოვანი მატება, მშრალ ხევებსა და პატარა მდინარეებზე წყალმოვარდნები, ხოლო ქვეყნის მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს.
შავ ზღვაზე შესაძლებელია აღინიშნოს 2-3 ბალიანი ღელვა.