საქართველოში კორონავირუსის კიდევ 4 ახალი შემთხვევა დადასტურდა და ვირუსით დაავადებულთა რიცხვმა ათასს გადააჭარბა.

გამოჯანმრთელდა 3 ადამიანი. ამ დროისთვის ქვეყანაში სულ ინფიცირებულია 1003 ადამიანი, მათგან გამოჯანმრთელებულია 873.

კოვიდცენტრებში 143 პაციენტი მკურნალობს.

ინფექციური საავადმყოფოს კლინიკური დირექტორის მარინა ეზუგბაიას თქმით,  4 ახალი შემთხვევიდან 2 სატვირთო ავტომობილის მძღოლია, ერთი საკრანტინო სივრცეში დადასტურებული შემთხვევაა, ხოლო მეოთხე დაავადებულის დაინფიცირების წყარო უცნობია და მის აღმოსაჩენად ჩაღრმავებული კვლევა გრძელდება. 

stopcov.ge-ის განახლებული მონაცემები ასე გამოყურება:

  • კორონავირუსის დადასტურებული შემთხვევა – 1003
  • მათ შორის გამოჯანმრთელებული – 873
  • მათ შორის გარდაცვლილი – 15
  • კარანტინის რეჟიმში – 5640
  • სტაციონარში მეთვალყურეობის ქვეშ – 244
  • *უცხოეთიდან სამკურნალოდ გადმოყვანილი საქართველოს მოქალაქეები – 31