საოჯახო სასტუმრო „საპოვნელა“ სოფელ მარელისში, ბორჯომ-ხარაგაულის ეროვნული პარკის კარიბჭესთან 3 კილომეტრში მდებარეობს. მისი მასპინძელი პროფესიით ხელოვნებათმცოდნე ქეთევან ლაცაბიძეა.

სასტუმრო 2019 წლიდან ფუნქციონირებს  და დამსვენებლებს ძალიან საინტერესო სერვისებს სთავაზობს.

საოჯახო სასტუმროს შექმნის მომენტში მრავალი პრობლემა გამოჩნდა, განსაკუთრებით რთული ინფრასტრუქტურის მოწესრიგება იყო.

ქეთევან ლაცაბიძის თქმით, თბილი ღიმილი, სტუმრების მიმართ კეთილგანწყობა და საპოვნელას ექსკლუზიური ღვინო საოჯახო სასტუმროს სავიზიტო ბარათია.

ვრცლად სტატიას მარელისის „საპოვნელას“ შესახებ ტურიზმის განვითარების ცენტრის ვებგვერდზე გაეცნობით.