შინაგან საქმეთა სამინისტროს მომსახურების სააგენტოში სატრანსპორტო საშუალების ძველი ნიმუშის სანომრე ნიშნების შეცვლის ვადა 2021 წლის 31 მარტამდე გახანგრძლივდა.

ამის მიზეზი, მომსახურების სააგენტოს ინფორმაციით, სარეგისტრაციო სივრცეში ძველი სანომრე ნიშნების შეცვლის მსურველ მოქალაქეთა მომატებული რაოდენობა და კორონავირუსის შესაძლო გავრცელების საფრთხეა.

ვადის გახანგრძლივების თაობაზე შესაბამისი ცვლილება „სსიპ – საქართველოს შინაგან საქმეთა სამინისტროს მომსახურების სააგენტოს მიერ გაწეული მომსახურებისათვის დაწესებული საფასურისა და ვადების შესახებ“ საქართველოს კანონში განხორციელდა.

შინაგან საქმეთა სამინისტროს მომსახურების სააგენტო სერვისების განხორციელებისას სრულად ითვალისწინებს საქართველოს მთავრობის უწყებათშორისი საკოორდინაციო საბჭოს რეკომენდაციებს. სააგენტო მოქალაქეებს მოუწოდებს, რომ ადგილზე სერვისების მისაღებად გამოცხადდნენ პირბადით.

წყარო