გარემოს ეროვნული სააგენტოს ცნობით, 8 ივლისს, დღის მეორე ნახევრიდან, ტემპერატურა დაიკლებს და  11 ივლისამდე საქართველოს ტერიტორიაზე  შედარებით აგრილდება.

გარემოს ეროვნული სააგენტოს ჰიდრომეტეოროლოგიური სამმართველოს უფროსის, სვეტა ნიორაძის ინფორმაციით,  ხვალიდან დასავლეთ საქართველოში ყველგან იწვიმებს და ტემპერატურა 30-25 გრადუსამდე დაეცემა. ზოგან შესაძლებელია ძლიერი ელჭექი, სეტყვა, ქარის გაძლიერება და ზღვაზე 2-3 ბალიანი ღელვა.

მოსალოდნელმა ძლიერმა ნალექებმა, შესაძლებელია, საქართველოს მდინარეებზე წყლის დონეების მნიშვნელოვანი მატება, პატარა მდინარეებზე წყალმოვარდნები, ხოლო ქვეყნის მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს.