– მსოფლიოში ადამიანები კოვიდ-19-ის  მეორე ტალღაზე საუბრობენ და  ამის ნიშნები არის კიდეც, – აღნიშნა ინფექციური საავამდყოფოს კლინიკურმა დირექტორმა მარინა ეზუგბაიამ დღეს გამართულ ბრიფინგზე.

მისი თქმით, ზოგიერთ ქვეყანაში აშკარად შეინიშნება სიტუაციის განახლება ან  გამძაფრება. თუმცა გამომდინარე იქედან, რომ ჩვენი ქვეყანა ინარჩუნებს ზომიერ, კონტროლირებად მატებას, „ეს გვაძლევს  საფუძველს იმისას, რომ ჩვენ გავაგრძელებთ კოვიდთან თანაცხოვრებას არსებული რეგულაციების შენარჩუნებით.

იმედია, რომ თუ იქნება მეორე ტალღა, ის არ იქნება ჩვენი ქვეყნისთვის დამღუპველი და როგორც პირველ ტალღას გავუმკლავდით ისევე გავუმკლავდებით მეორე ტალღასაც. ეს ყველაფერი დამოკიდებულია ჩვენზე, თქვენზე და სახელწმიფოზე.

სამივე სექტორი, ჯერჯერობით, სწორად მოქმედებს. მოსახლეობა თუ რეგულაციების შესრულებას გავაგრძელებთ ყველაფერი კარგად იქნება“, – აღნიშნა მარინა ეზუგბაიამ.