გარემოს ეროვნული სააგენტოს ცნობით,  ევროკავშირის მხარდაჭერით, შავი ზღვის საქართველოს სანაპირო წყლების მონიტორინგის მესამე ეტაპი დაიწყო.

ქართველი სპეციალისტები წყლის ხარისხის ქიმიურ და ბიოლოგიურ კვლევებს ევროკავშირის წყლის ჩარჩო დირექტივის მეთოდოლოგიის გათვალისწინებით განახორციელებენ. მიღებული შედეგების საფუძველზე საკვლევი უბნების ეკოლოგიური მდგომარეობა შეფასდება.

ევროკავშირის მიერ დაფინანსებული პროექტის „ევროკავშირის წყლის ინიციატივა პლიუსი აღმოსავლეთის პარტნიორობის ქვეყნებისათვის (EUWI+)“ ფარგლებში, გარემოს ეროვნული სააგენტოს ლაბორატორიებს წყლის ხარისხისა და ჰიდრობიოლოგიური კვლევებისთვის საჭირო უახლესი ხელსაწყო-დანადგარები გადაეცათ, რაც შესაძლებლობას იძლევა გაიზარდოს წყლის ხარისხის კვლევის კომპონენტები და თანამედროვე მეთოდებით განხორციელდეს სამეცნიერო-კვლევითი ანალიზები.

წყარო