ფიზიკური და კერძო სამართლის იურიდიული პირების მფლობელობაში არსებულ მიწის ნაკვეთებზე საკუთრების უფლების აღიარებაზე მუდმივმოქმედი კომისია შეიქმნება ხარაგაულის საკრებულოში. ბიუროს დღევანდელ სხდომაზე საკრებულოს თავმჯდომარე ინგა მაღრაძემ წარმოადგინა კომისიის წევრობის კანდიდატურები: გივი ხიჯაკაძე, ინგა ლურსმანაშვილი, ვარლამ თავზარაშვილი და გელა გოლუბიანი. კომისიის მეხუთე წევრი იქნება ქონების მართვის სააგენტოს წარმომადგენელი.

ვარლამ თავზარაშვილის თქმით, კომისიის თავმჯდომარედ განიხილება გივი ხიჯაკაძის კანდიდატურა. ამ კომისიის შექმნასა და  შემადგენლობას ხარაგაულის მუნიციპალიტეტის საკრებულო 24 სექტემბერს დანიშნულ რიგგარეშე სხდომაზე განიხილავენ დასამტკიცებლად.

თამთა გოგოლაძე