საქართველოში კორონავირუსის 8 ახალი შემთხვევა დაფიქსირდა, ხოლო 23 ადამიანი გამოჯანმრთელდა.

ამ დროისთვის ქვეყანაში კორონავირუსის  სულ 939 დადასტურებული შემთხვევაა, ამათგან 817 გამოჯანმრთელებულია.

კოვიდ ცენტრებში 107 პაციენტი მკურნალობს.

ინფექციური საავადმყოფოს კლინიკური დირექტორის, მარინა ეზუგბაიას თქმით, 8 ახალი შემთხვევიდან ერთი დადასტურებულ შემთხვევასთან კონტაქტია. დანარჩენი 7 ყველა შემოტანილი შემთხვევაა. 6 ინფიცირებული სატვირთო ავტომობილის მძღოლია.

მისივე თქმიოთ, დაავადების პროგრესირება არ შეინიშნება და რვავე პაციენტის მდგომარეობა დამაკმაყოფილებელია.

stopcov.ge-ის განახლებული მონაცემები ასე გამოყურება:

კორონავირუსის დადასტურებული შემთხვევა – 939
მათ შორის გამოჯანმრთელებული – 817
მათ შორის გარდაცვლილი – 15
კარანტინის რეჟიმში – 3080
სტაციონარში მეთვალყურეობის ქვეშ – 242
*უცხოეთიდან სამკურნალოდ გადმოყვანილი საქართველოს მოქალაქეები – 3