ბიბლიოთეკები, მათ შორის ხარაგაულის ცენტრალური და 25 სასოფლო ბიბლიოთეკა, ფუნქციონირების აღსადგენად, ჯანდაცვის სამინისტროს კონკრეტულ მითითებებსა და რეკომენდაციებს ელოდება.

„დასავლეთ საქართველოში მოქმედი ბიბლიოთეკების წარმომადგენლებს შევხვდი, – ამბობს ხარაგაულის კულტურისა და ხელოვნების ცენტრის დირექტორი ნიკო მაჭავარიანი, – ჯერჯერობით, არც ერთი მათგანი არ გახსნილა.

თუმცა, ერთ-ერთი მუნიციპალიტეტის ბიბლიოთეკა, ამ საგანგებო მდგომარეობის პერიოდში, ერთი თვეც კი არ იყო დახურული. ასეთი გამონაკლისიც არის.

ვფიქრობ, რომ ივლისის შუა რიცხვებიდან ხარაგაულში, შესაძლოა, ბიბლიოთეკა გაიხსნას.

ხარაგაულის ცენტრალური ბიბლიოთეკა კულტურისა და ხელოვნების ცენტრის შემადგენლობაშია და სამ თვეზე მეტია, კორონავირუსის გავრცელების პრევენციის მიზნით დახურულია“, – ამბობს ნიკო მაჭავარიანი.