საქართველოში კორონავირუსით ინფიცირებულთა რაოდენობა 3-ით გაიზარდა, ხოლო 5 პაციენტი გამოჯანმრთელდა.

ინფექციური საავადმყოფოს სამედიცინო დირექტორის, მარინა ეზუგბაიას თქმით, სამი ახალი შემთხვევიდან ორი საკარანტინო სივრციდან არის, ხოლო ერთი – დადასტურებულ შემთხვევასთან კონტაქტია. სამივე ახალი შემთხვევის წყარო ცნობილია.

stopcov.ge-ის მონაცემებით, ამ დროისთვის, სულ ინფიცირებულთა რაოდენობა 917-ს აღწევს, მათგან გამოჯანმრთელდა 776.

კარანტინის რეჟიმში 2687 ადამიანი რჩება, ხოლო სტაციონარში მეთვალყურეობის ქვეშ 260 პაციენტია გადაყვანილი.