წინასწარი მონაცემით, ხარაგაულის მუნიციპალიტეტის 25 საჯარო და ერთ კერძო სკოლაში, სავარაუდოდ, 2 400 მოსწავლე შეუდგება სწავლას; მათგან – 152 პირველკლასელია.

„ოთხ საჯარო სკოლაში, სამწუხაროდ, პირველკლასელი არ გვეყოლება. ამ კუთხით სტატისტიკური მაჩვენებლები საგანგაშოა. წლიდან წლამდე მოსწავლეთა კონტინგენტი მცირდება,“ – ამბობს დავით კიკნაძე.

წელს 125 ხარაგაულელი პირველკლასელი ნეტბუქს მიიღებს. სასულიერო გიმნაზიის დაახლოებით 27 პირველკლასელი ამ პროგრამაში ვერ მოხვდა, რადგან სახელმწიფო კერძო (მათ შორის საპატრიარქოს) სკოლას ამ პროგრამას არ უფინანსებს, – ამბობს ხარაგაულის საგანმანათლებლო რესურსცენტრის უფროსი დავით კიკნაძე.