„საქართველოს რკინიგზის“ განახლებული განრიგის თანახმად, ხარაგაულიდან დასავლეთისა და აღმოსავლეთის მიმართულებით მაგისტრალური გადაადგილება შემდეგი განრიგის მიხედვით შეგეძლებათ:

 

თბილისიდან ხარაგაულისკენ

  • თბილისი-ზუგდიდი – თბილისიდან გამოსვლა 08:10 სთ-ზე. მატარებელი ხარაგაულის რკინიგზის სადგურზე 09:50 სთ-ზე შემოვა და ზუგდიდში 13:45 სთ-ზე იქნება.
  • თბილისი ფოთი – თბილისიდან გამოსვლა 08:30 სთ-ზე. მატარებელი ხარაგაულის რკინიგზის სადგურზე 11:10 სთ-ზე შემოვა, ხოლო ფოთში 13:30 სთ-ზე იქნება. 
  • თბილისი-ოზურგეთი – თბილისიდან გამოსვლა 09:00 სთ-ზე. მატარებელი ხარაგაულის რკინიგზის სადგურზე 12:05 სთ-ზე შემოვა და ოზურგეთში 17: 10 სთ-ზე იქნება. 

 

ხარაგაულიდან თბილისისკენ 

  • ფოთი-თბილისი – მატარებელი ხარაგაულის რკინიგზის სადგურზე 11:10 სთ-ზე შემოვა, თბილისში 13:30 სთ-ზე ჩავა. 
  • თბილისის მიმართულებით ამავე მატარებლით მგზავრობა შესაძლოა საღამოს საათებშიც. მატარებელი ხარაგაულის რკინიგზის სადგურზე 21:11 სთ-ზე შემოვა, ხოლო თბილისში ჩასვლას 23: 38 სთ-ზე შეძლებთ. 
  • ოზურგეთი-თბილისი – მატარებელი ხარაგაულის რკინიგზის სადგურზე 14:19 სთ-ზე შემოვა და თბილისში ჩასვლას 17:25 სთ-ზე შეგეძლებათ. 
  • ზუგდიდი-თბილისი – მატარებელი ხარაგაულის რკინიგზის სადგურზე 21:26 სთ-ზე იქნება და თბილისში ჩასვლას 23:55 სთ-ზე შეძლებთ.

„საქართველოს რკინიგზის“ პრესცენტრის წარმომადგენლის, თამარ დეკანოიძის, ინფორმაციით, სალაროებში ბილეთების აღება შეზღუდული არ არის. თუმცა, კორონავირუსის პრევენციის მიზნით, ბილეთების ინტერნეტით შეძენა უფრო სასურველია. მისივე განმარტებით, რკინიგზის სადგურებზე საბილეთო სალაროები ჩვეულ რეჟიმში განაგრძობენ მუშაობას.

ხარაგაულის საბილეთო სალაროს მოლარე-ოპერატორის, მზია კიკნაძის, თქმით, ხარაგაულში რკინიგზის სადგურზე ბილეთების ასაღებ სივრცეში უკვე ამოქმედდა შესაბისი რეგულაციები. დამონტაჟდა დეზობარიერი, დაცულია დისტანციის ნორმები და მგზავრებს სადეზინფექციო ხსნარის გამოყენების შემდეგ შეუძლიათ ბილეთების შეძენა. 

შემუშავებული რეგულაციების მიხედვით, მატარებლებში გადაადგილებისას აუცილებლად უნდა იქონიოთ პირბადე, რომლის მოხსნა მგზავრობის პერიოდში დაუშვებელია. პირბადის მოხსნა მხოლოდ კვების ან წყლის დალევის შემთხვევაში იქნება ნებადართული.

საქართველოს რკინიგზის აპლიკაციის დახმარებით ბილეთების ონლაინ შეძენა ბმულზე შეგეძლებათ https://ticket.railway.ge/.