გასული დღე-ღამის განმავლობაში საქართველოში კორონავირუსის 9 ახალი დადასტურებული შემთხვევა გამოვლინდა. გამოჯანმრთელებულების რიცხვი შვიდით გაიზარდა. საქართველოში კორონავირუსის 888 დადასტურებული შემთხვევიდან 731 პაციენტი გამოჯანმრთელებულია.

თბილისის ინფექციური საავადმყოფოს სამედიცინო დირექტორის, მარინა ეზუგბაიას, ინფორმაციით, კოვიდცენტრებში მკურნალობას 143 ადამიანი გადის.

ცხრა ახალი შემთხვევიდან ორი მათგანი დაავადებულთან კონტაქტია, ექვსი პირი გადმოყვანილია საკარანტინო ზონიდან, აქედან სამი სატვირთო ავტომობილის მძღოლია, ხოლო ერთი დაავადებულის ინფიცირების წყაროს დადგენა ჯერ კიდევ მიმდინარეობს“, – ამბობს მარინა ეზუგბაია.