საქართველოს რკინიგზამ ხუთ მაგისტრალურ მიმართულებაზე სამგზავრო გადაყვანები ჯანდაცვის სამინისტროს მიერ შემუშავებული რეკომენდაციების თანახმად 15 ივნისიდან განაახლა.

ამ დრომდე მგზავრები ვერ გადაჰყავთ საგარეუბნო მატარებლებს. ამ მატარებლების მიმოსვლის აღდგენა მნიშვნელოვანია, რადგან ბევრ რეგიონში, მათ შორის ხარაგაულში, ჩხერიმელას ხეობის მოსახლეობისთვის, საგარეუბნო მატარებლები გადაადგილების ერთადერთი საშუალებაა.

– ჯანდაცვის სამინისტროს ყველა რეკომენდაციას აკმაყოფილებენ ის მატარებლები, რომლებმაც მუშაობა აღადგინეს, – ამბობს „საქართველოს რკინიგზას“ პრესცენტრის წარმომადგენელი თამარ დეკანოიძე, – ეტაპობრივად ხორციელდება ყველა პროცედურა, რომ რეკომენდაციები საგარეუბნო მატარებლებშიც შესრულდეს. თუმცა, ამ მომენტისთვის ზუსტ თარიღს ვერ გეტყვით, თუ როდის შეძლებენ საგარეუბნო მატარებლები მგზავრთა გადაყვანას.

კორონავირუსის პანდემიის გამო საგარეუბნო მატარებლების მიმოსვლა, მესამე თვეა, შეზღუდულია.

ნინო კაპანაძე