გარემოს დაცვისა და სოფლის მეურნეობის სამინისტროს ცნობით, ჰაერის ინდიკატორული გაზომვების მეცხრამეტე ეტაპი იწყება, რომლის ფარგლებშიც საქართველოს 25 ქალაქში ჰაერში აზოტის დიოქსიდის, ოზონის და ბენზოლის შემცველობა განისაზღვრება.

აღებული სინჯები დიდი ბრიტანეთის გაერთიანებული სამეფოს აკრედიტირებულ ლაბორატორიაში გაიგზავნება. შედეგების შეფასება ევროკავშირის ატმოსფერული ჰაერის ხარისხის ინდექსებთან ჰარმონიზებული სისტემის შესაბამისად ხორციელდება.

მიღებული შედეგები საზოგადოებისთვის უახლოეს მომავალში ატმოსფერული ჰაერის ხარისხის პორტალ air.gov.ge -ის მეშვეობით გახდება ცნობილი. 

წყარო