დაცული ტერიტორიების სააგენტოს ცნობით, 15 ივნისიდან საქართველოში შიდა ტურიზმი იწყებს ამოქმედებას. 

სააგენტოს ინფორმაციით, დაცული ტერიტორიების ვიზიტორთა ყველა ცენტრი 15 ივნისიდან ვიზიტორების მიღებას შეძლებს. 

სააგენტო ეროვნულ პარკებში მოგზაურობისას გასათვალისწინებელ რეკომენდაციებსაც ავრცელებს და ვიზიტორებს სიფრთხილისკენ მოუწოდებს. 

  • შენობებსა და დახურულ სივრცეებში (მღვიმეებში), გაიკეთეთ პირბადე, რომელიც კარგად გიფარავთ ცხვირს და პირს;
  • ვიზიტორთა ცენტრში შესაძლებელია ერთდროულად 5 ვიზიტორის ყოფნა;
  • დაიცავით ფიზიკური დისტანცია, მინიმუმ 2 მეტრი;
  • რეკომენდირებულია თანხის გადახდა უკონტაქტო გზით ან შეიძინეთ ბილეთები დისტანციურად https://guru.ge/ -ზე
  • თუ თავს ცუდად გრძნობთ, არ შეხვიდეთ ტერიტორიაზე და დაუყოვნებლივ მიმართეთ ექიმს;
  • მოერიდეთ ახლო კონტაქტს ადამიანებთან, ვისაც აღენიშნება ცემინება და ხველა;
  • ხშირად დაიმუშავეთ ხელები სპირტის შემცველი სადეზინფექციო საშუალებით მინიმუმ 20 წამის განმავლობაში, ან თუ შესაძლებელია, დაიბანეთ ხელები საპნითა და წყლით.
  • მოერიდეთ პირზე, ცხვირსა და თვალებზე ხელის შეხებას;
  • ხველისა და ცემინებისას, პირზე და ცხვირზე, აიფარეთ ერთჯერადი ხელსახოცი ან მოხრილი იდაყვი.