ხარაგაულის საზოგადოებრივი ჯანდაცვის ცენტრის დირექტორის, შმაგი ხიჯაკაძისგან მოპოვებული ინფორმაციით, ხარაგაულის მუნიციპალიტეტში ამ მომენტისთვის თვითიზოლაციასა და კარანტინში არც ერთი მოქალაქე აღარ რჩება.

შმაგი ხიჯაკაძე ამბობს, რომ გუშინ საჩხერის ცხელების ცენტრში ხარაგაულიდან გადაყვანილ ერთ პირს კორონავირუსი არ დაუდასტურდა.

– იმერეთში ეპიდსიტუაციის მხრივ მშვიდი და სტაბილური ვითარებაა, – ამბობს დაავადებათა კონტროლისა და საზოგადოებრივი ჯანდაცვის ცენტრის იმერეთის სამმართველოს უფროსი გოჩა გიორგიძე, – შიდა გადაცემის ახალი შემთხვევები არ ფიქსირდება. უცხოეთიდან შემოსულ ერთ მოქალაქეს კორონავირუსი კარანტინში დაუდასტურდა.

ამჟამად ქუთაისის ინფექციურ საავადმყოფოში კორონავირუსით ინფიცირებული ოთხი პაციენტი მკურნალობს.

ნინო კაპანაძე