9 ივნისის მონაცემებით, საქართველოში კორონავირუსის 8 ახალი შემთხვევა დაფიქსირდა. 

ახალი შემთხვევებიდან 3 ბოჭორიშვილის კლინიკის მედპერსონალია. 

ბოჭორიშვილის კლინიკის სამეთვალყურეო საბჭოს წარმომადგენლის, მაკა სოლოღაშვილის, თქმით, აქამდე კლინიკას არც ერთი ინფიცირებული თანამშრომელი არ ჰყოლია, რადგან ეპიდემიოლოგიურ რისკს მაღალ დონეზე იცავდნენ. 

„თუმცა, სამწუხაროდ, ჩვენ მოგვიწია ერთ-ორ არაადეკვატურ პაციენტთან ურთიერთობა. მათ ექიმთან პირადი შეხება ჰქონდათ. რისკის გამო, არც ერთი სამართალდამცავი არ გვეკარებოდა და მათიც გვესმის. ასეთ პირობებში მოხდა ისე, რომ ერთი და იგივე ცვლის სამი პერსონალი – ექთანი და სანიტარი, დაინფიცირდა, –  აღნიშნა მაკა სოლოღაშვილი.| ჩემი იმერეთი

მისი თქმით, მედპერსონალის  მდგომარეობა დამაკმაყოფილებელია. თუმცა გამოხატული აქვთ სიმპტომები და მაღალი ტემპერატურა.

ასევე ცნობილია დანარჩენი პაციენტების ინფიცირების წყაროც.

ინფექციური საავადმყოფოს სამედიცინო დირექტორის, მარინა ეზუგბაიას თქმით,  ახლახან გამოვლენილი შემთხვევებიდან 1 ბოლნისის დადასტურებულ შემთხვევასთან იმყოფებოდა კონტაქტში, 2 – მარნეულის დადასტურებულ შემთხვევასთან, 2 – საკარანტინო სივრციდან შემოტანილი, იმპორტირებული შემთხვევაა. 

შეგახსენებთ, რომ stopcov.ge-ის მონაცამებით, ქვეყანაში სულ 818 ინფიცირებულია, ამათგან 686 გამოჯანმრთელდა. კარანტინის რეჟიმში 2902 ადამიანი იმყოფება, ხოლო სტაციონარში მეთვალყურეობის ქვეშ 249 პაციენტია მოთავსებული.