პირველკლასელთა რეგისტრაციის მესამე ეტაპი 2-დან 25 ივნისის ჩათვლით გრძელდება. ელექტრონულად რეგისტრირებული მოსწავლის ჩასარიცხად აუცილებელი დოკუმენტაციის წარდგენა 2 ივნისიდან 5 ივლისის ჩათვლით იქნება შესაძლებელი.

რეგისტრაციის ბოლო IV ეტაპი 20 აგვისტოს დაიწყება და 10 სექტემბრის ჩათვლით გაგრძელდება. ამ ეტაპზე დოკუმენტაციის წარდგენა 20 აგვისტოს დაიწყება და 10 სექტემბრის ჩათვლით გაგრძელდება.

9 ივნისის მონაცემებით, ხარაგაულის მუნიციპალიტეტში მოქმედ სკოლებში დარეგისტრირებულ პირველკლასელთა რაოდენობა შემდეგია:

  • ხარაგაულის #2 საჯარო სკოლა – 20 პირველკლასელი;
  • ხარაგაულის გიმნაზია – 14 პირველკლასელი;
  • ხარაგაულის #3, ბორითის, ღორეშისა და ხევის სკოლები – 12-12 პირველკლასელი;
  • კიცხის საჯარო სკოლა – 10 პირველკლასელი;
  • ლეღვნისა და ბორისა საჯარო სკოლები – 9-9 პირველკლასელი;
  • ვარძიისა და ვაშლევის სკოლები – 8-8 პირველკლასელი;
  • მარელისის სკოლა – 7 პირველკლასელი;
  • ვახანი სკოლა – 6 პირველკლასელი;
  • წიფის, და ზვარეს სკოლები – ამ ეტაპზე 5-5 მოსწავლეს ელიან;
  • ნადაბურში, საღანძილეში, სარგვეშში, ვერტყვიჭალასა და ხუნევში – 4-4 პირველკლასელი;
  • უბისის საჯარო სკოლა – 3 პირველკლასელი;
  • მოლითის საჯარო სკოლა – 2 პირველკლასელი;
  • ლაშეს, ხიდრისა და წყალაფორეთის სკოლებში, 10 ივნისის მდგომარეობით, თითო-თითო პირველკლასელია დარეგისტრირებული.

ჯერჯერობით, არც ერთი პირველკლასელი არ დარეგისტრირებულა ბაზალეთის საჯარო სკოლაში.  სკოლის დირექტორის იზოლდა ოკრიბელაშვილის თქმით, ბაზალეთის სკოლაში წელს პირველკლასელს არ ელოდებიან.