ზესტაფონის აგრარულ ბაზარში ფასების მომატება განსაკუთრებით საგრძნობია ხილსა და ბოსტნეულზე.

  • პომიდორი – 2 ლარიდან 3 ლარამდე ღირს;
  • კიტრი – 1 ლარიდან 2 ლარამდე;
  • კარტოფილი – 1 ლარი – 1.20 თეთრი;
  • ბადრიჯანი – 3 ლარი;
  • კომბოსტო – 50 თეთრი;
  • მწვანე წიწაკა – 5 ლარი;
  • ნიორი – 5 ლარი;
  • ხახვი – 1 ლარი;
  • ჭარხალი – 1 ლარი;

ბოსტნეულით მოვაჭრე დავით ტვილდიანი ამბობს, რომ „ფასები 20-30%-თაა მომატებული. პროდუქტების ღირებულება თამაშობს, შეიძლება დღეში სამჯერ შეიცვალოს“.

რაც შეეხება ხილს, წინა წლებთან შედარებით ფასი მათზეც გაზრდილია; მაგალითად, მარწვი 5 ლარი ღირს, ბალი – 7 ლარი.

გაგაცნობთ მწვანილის ფასებსაც:

  • 1 კონა სალათის ფოთლები – 2 ლარი;
  • 1 კონა ცერეცო – 5 ლარი;
  • ოხრახუში – 2 ლარი;
  • ქინძი – 2 ლარი;
  • მწვანე ხახვი – 3 ლარი;

იმ ათ პროდუქტს შორის, რომელზედაც ფასი არ უნდა გაზრდილიყო, ლობიოც შედიოდა. თუმცა ლობიო, საშუალოდ, 20%-ით გაძვირდა და სახეობების მიხედვით 3-დან 10 ლარამდე ღირს.

1 კგ. ნიგოზის ფასიც ხარისხის მიხედვით იცვლება, – 18 ლარიდან 30 ლარამდე.  რაც შეეხება სოკოს, ახალი წლის შემდეგ არ გაძვირებულა და 7-8 ლარი ღირს.

ფასების მომატება ხორცის პროდუქტებზეც შესამჩნევია:

  • 1 კგ. ქათმის ხორცი – 7 ლარი;
  • საქონლის ხორცი – 16 ლარი;
  • ღორის ხორცი – 12 ლარი;
  • კალმახი – 14 ლარი ღირს.

ყველის ფასები ცვალებადია. ამჯერად ერთი კგ. ყველის შეძენას ზესტაფონის აგრარულ ბაზარში 7 ლარად შეძლებთ.

ლიკა ხიჯაკაძე

ავტორის ფოტოები