დაავადებათა კონტროლისა და საზოგადოებრივი ჯანდაცვის ეროვნული ცენტრის გენერალური დირექტორის მოადგილე პაატა იმნაძე ამბობს, რომ ამ დროისთვის მსოფლიოში ვაქცინის შექმნაზე მეტად მისი უსაფრთხოების დადგენაა რთული.

– უკვე 100-ზე მეტი ვაქცინაა შექმნილი. თუმცა, ჯერჯერობით, ამ ვირუსის გენი ბოლომდე შესწავლილი არ არის. ამიტომ ვაქცინებში, ალბათ, ცვლილება იქნება საჭირო. 

ჩვენ ყველას გვინდა, რომ ვაქცინა მალე იყოს. ზოგს ეშინია, რომ ძალით აცრიან. დამერწმუნეთ, რომ ძალით არავინ არავის აცრის. ძალიან დიდი იმედი მაქვს, რომ ხელმისაწვდომიც იქნება. ეგ უფრო მაწუხებს“,  – აცხადებს პაატა იმნაძე.

დაავადებათა კონტროლის ეროვნული ცენტრის გადამდებ დაავადებათა დეპარტამენტის ხელმძღვანელის  ხათუნა ზახაშვილის განმარტებით, მთავარია, ვაქცინა საზოგადოებისა და ქვეყნებისთვის ხელმისაწვდომი იყოს.