stopcov.ge-ის 4 ივნისის მონაცემებით, საქართველოში  კორონა ვირუსით ინფიცირებულთა რიცხვი მხოლოდ  ერთით გაიზარდა და ამ მომენტისთვის 801 ადამიანს აღწევს. 

გამოჯანმრთელდა ოთხი ადამიანი. Გამოჯანმრთელებულთა საერთო რაოდენობა 644-ია. 

ინფექციური საავადმყოფოს სამედიცინო დირექტორის, მარინა ეზუგბაიას, თქმით, ამ ეტაპზე კოვიდცენტრებში 144 პაციენტი მკურნალობს. გამოვლენილი ერთი ახალი ინფიცირებული კი ე.წ. „საბურთალოს კლასტერიდან“ არის. 

მისივე განმარტებით, პაციენტების უმეტესი ნაწილის მდგომარეობა საშუალო სიმძიმისაა.

ამ ეტაპზე, stopcov.ge-ის მონაცემებით,  კარანტინის რეჟიმში – 2424 ადამიანი იმყოფება, ხოლო  სტაციონარში მეთვალყურეობის ქვეშ – 304 პაციენტია მოთავსებული.