საყოფაცხოვრებო კონდიციონერები, რომლებიც შიგნით ჰაერს ატრიალებენ, კორონავირუსის გავრცელების მაღალი რისკის შემცველია, – ამბობს დაავადებათა კონტროლის ეროვნული ცენტრის დირექტორის მოადგილე პაატა იმნაძე.

მისი ინფორმაციით, კონდინციონერი თუ გარედან ჰაერის შემოტანაზე არ მუშაობს, მისი გამოყენება საშიშია.

სამწუხაროდ, საყოფაცხოვრებო კონდინციონერების აბსოლუტური უმრავლესობა ჰაერს შიგნით ატრიალებს.

ვიცით, რომ ზაფხულში სიცხე იქნება და გაგვიჭირდება, მიჩვეულები ვართ, მაგრამ, ჯერჯერობით, ასეთი კონდიციონერების გამოყენება ნებადართული არ იქნება.

თვითმფრინავის სისტემებს უყენია ე.წ. ჰეპაფილტრები, რომლებიც ვირუსებს აკავებენ. ზუსტად ასეთივე ჰეპაფილტრები გვაქვს ლაბორატორიებში, ბიოუსაფრთხოების კაბინეტებში. იმ კონდინციონერის შედარება ჩვეულებრივ კონდიციონერთან არ შეიძლება.

ამიტომ საყოფაცხოვრებო კონდიციონერების ჩართვა რეკომენდებული არ არის.