ქვიშის ფრენბურთის ტურნირი ხარაგაულში მდინარე ჩხერიმელას ნაპირზე, უკვე მეორე წელია, ზაფხულობით მიმდინარეობს.

ფრენბურთის ტურნირის ჩატარების იდეა ხარაგაულის მუნიციპალიტეტის განვითარებისა და შიგა ტურიზმის ხელშეწყობის ცენტრს ეკუთვნის. როგორც ცენტრის ხელმძღვანელი მამუკა ჭიპაშვილი ამბობს, ამ შეჯიბრს უფრო გასართობი ხასიათი აქვს.

შარშან ტურნირი ტერიტორიულ ერთეულებს შორის ჩატარდა. წელს კი ყველა მსურველს შეეძლო მასში მონაწილეობა.

„გაისად შევეცდებით, ტურნირი უფრო მასშტაბური და საინტერესო გახდეს,“ – ამბობს მამუკა ჭიპაშვილი.

ქვიშის ფრენბურთის ტურნირი სამდღიანია. მან სტარტი 25 აგვისტოს აიღო და 27 აგვისტოს დასრულდება.

თამთა გოგოლაძე