ხარაგაულის სკოლამდელ დაწესებულებათა გაერთიანებაში შემავალ ცხრამეტივე საბავშვო ბაღში აღსაზრდელთა რეგისტრაცია მიმდინარეობს.

გაერთიანების ადმინისტრაციიდან მოპოვებული ინფორმაციით, საბუთები მიიღება ყოველდღე, შაბათ-კვირის გარდა, 10:00 საათიდან 17:00 საათამდე. რეგისტრაცია ივლისის ბოლომდე გაგრძელდება.

აღსაზრდელთა რეგისტრაციისთვის აუცილებელი დოკუმენტებია:

  • ერთ-ერთი მშობლის განცხადება,
  • მშობლების პირადობის მოწმობის ასლები,
  • ბავშვის დაბადების მოწმობის ასლი და ცნობა მისი ჯანმრთელობის მდგომარეობის შესახებ.

2020-2021 სასწავლო წლისთვის ხარაგაულის საბავშვო ბაღებში, სავარაუდოდ, 160-მდე აღსაზრდელს ელოდებიან.

ფოტოზე: ხარაგაულის #1 საბავშვო ბაღი