საზოგადოებრივი ტრანსპორტის ამუშავებაზე, ჯერჯერობით, საუბარი არ არის, ეს დაკავშირებულია ეპიდმდგომარეობასთან. ამის შესახებ პრემიერ-მინისტრის მრჩეველმა ირაკლი ჩიქოვანმა განაცხადა.

„საზოგადოებრივი ტრანსპორტის ეს მდგომარეობა ჩვენ არ უნდა წარმოვიდგინოთ, როგორც შეზღუდვა. ესაა რეალობა, რაშიც ჩვენ შემდეგი რამდენიმე თვის განმავლობაში მოგვიწევს ცხოვრება“,- აღნიშნა მან.

ირაკლი ჩიქოვანის თქმით, ეს არის ხელშეწყობა იმისათვის, რომ ქვეყანაში ხელახალი ეპიდაფეთქება არ მოხდეს.

საგანგებო მდგომარეობის გამო, საზოგადოებრივი ტრანსპორტით გადაადგილება 31 მარტიდან არის შეჩერებული.